15.09.2026 | 21:24
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների ցուցակները
ԱՄՆ պաշտպանության նախարարը Կիևում է
Քաղաքականություն
20.11.2023 | 13:50
Ուկրաինա է ժամանել ԱՄՆ պաշտպանության նախարար Լլոյդ Օսթինը։ Այս մասին Պենտագոնի ղեկավարը հայտնել է X-ում գրառմամբ։
«Ես ժամանել եմ Կիև՝ հանդիպելու ուկրաինական առաջնորդներին։ Ես այսօր այստեղ եմ կարևոր ուղերձ փոխանցելու համար՝ Միացյալ Նահանգները կշարունակի կանգնել Ուկրաինայի կողքին Ռուսաստանի ագրեսիայի դեմ իրենց ազատության համար պայքարում, ինչպես հիմա, այնպես էլ ապագայում»,- գրել է Օսթինը։
Պենտագոնի կայքում հրապարակված հաղորդագրության համաձայն՝ այցի ընթացքում ամերիկյան պաշտպանական գերատեսչության ղեկավարն Ուկրաինայի ղեկավարության հետ կքննարկի ռազմավարական գործընկերության հետագա ամրապնդման հարցը, «ներառյալ՝ Ուկրաինայի զինված ուժերին այն մարտական հնարավորություններով ապահովումը, որոնք անհրաժեշտ են ինչպես ձմռան, այնպես էլ իրենց երկիրը ՌԴ հետագա սպառնալիքներից պաշտպանելու համար»:
Այս շաբաթվա վերջին տեղի կունենա Ուկրաինայի պաշտպանության կոնտակտային խմբի Ռամշտեյնի 17-րդ հանդիպումը, որը կանցկացվի առցանց։ Սպասվում է, որ հանդիպմանը կմասնակցեն շուրջ 50 երկրների ներկայացուցիչներ:
