02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Զելենսկին աշխատանքից ազատել է Ուկրաինայի ԶՈՒ բժշկական ուժերի հրամանատարին
Քաղաքականություն
20.11.2023 | 12:03
Ուկրաինայի նախագահ Վլադիմիր Զելենսկին փոխել է Ուկրաինայի զինված ուժերի բժշկական ուժերի հրամանատարին։ Ինչպես ասվում է Ուկրաինայի ղեկավարի Telegram ալիքում հրապարակված հայտարարության մեջ, Կիևի «Գլխավոր զինվորական կլինիկական հոսպիտալի» ղեկավար Անատոլի Կազմիրչուկը նշանակվել է Տատյանա Օստաշչենկոյի զբաղեցրած պաշտոնում, գրում է DW-ի ռուսական ծառայությունը։
Զելենսկին նշել է, որ նշանակումը կատարվել է Ուկրաինայի պաշտպանության նախարար Ռուստեմ Ումերովի առաջարկությամբ։
«Կարծում եմ, որ նման քայլի պատճառներն ակնհայտ են բոլոր նրանց համար, ովքեր կռվում են Ուկրաինայի պաշտպանության բանակի շարքերում, և բոլոր նրանց, ովքեր օգնում են։ Համապատասխան հարցերը բազմիցս քննարկվել են։ Եկել է մեր զինվորների համար բուժօգնության խնդիրները լուծելու ժամանակը»,- ֆեյսբուքյան էջում գրել է Ումերովը։
