17.12.2025 | 20:49
Մանվել Գրիգորյանի սանիկը՝ Շիրակի մարզպե՞տ․ Դավիթ Առուշանյանի պաշտոնանկության մասին տեղեկություններ են շրջանառվում
Թուրքիայի խորհրդարանը հետաձգել է ՆԱՏՕ-ին Շվեդիայի անդամակցության հայտի քննարկումը
Քաղաքականություն
17.11.2023 | 15:03
Թուրքիայի Ազգային մեծ ժողովի արտաքին հարաբերությունների հանձնաժողովը որոշել է հետաձգել ՆԱՏՕ-ին Շվեդիայի անդամակցության արձանագրությունը հաստատող օրինագծի քննարկումը։ Հանդիպմանն ունեցած ելույթում Թուրքիայի փոխարտգործնախարար Բուրաք Աքչափարն ասել է, որ Շվեդիայի անդամակցությունը Հյուսիսատլանտյան դաշինքին «կդարձնի եվրաատլանտյան տարածաշրջանն ավելի անվտանգ», ինչպես նաև կնպաստի Անկարայի և Ստոկհոլմի միջև երկկողմ հարաբերությունների զարգացմանը, գրում է Անադոլու գործակալությունը։
Նա նաև նշել է, որ կան «դրական փոփոխություններ» շվեդական կողմի՝ Անկարայի «անվտանգության օրինական մտահոգությունների» ընկալման մեջ, որոնք առաջին հերթին կապված են Թուրքիայի կողմից ահաբեկչական համարվող Քուրդիստանի աշխատավորական կուսակցությանը (PKK) հակազդելու հետ։
Քննարկումների արդյունքում հանձնաժողովը որոշել է հետաձգել ՆԱՏՕ-ին Շվեդիայի անդամակցության հայտի հաստատումը՝ «քննարկվող թեմայի շուրջ հստակության բացակայության և բանակցությունների անբավարար հասունության պատճառով»։
Հիշեցնենք, որ հոկտեմբերի սկզբին Թուրքիայի նախագահ Ռեջեփ Թայիփ Էրդողանը ստորագրել էր ՆԱՏՕ-ին Շվեդիայի անդամակցության արձանագրությունը։
