24.11.2024 | 13:22
ՏԿԵ նորանշանակ նախարարն ընտրվել է ՔՊ Արմավիրի տարածքային կազմակերպության խորհրդի նախագահ
ՀԱՄԱՍ-ը համաձայնել է ազատ արձակել 50 իսրայելցի պատանդների
Քաղաքականություն
16.11.2023 | 14:46
ՀԱՄԱՍ-ը սկզբունքորեն համաձայնել է ազատ արձակել Գազայի հատվածում պատանդ պահվող առնվազն 50 կանանց։ Բանակցություններին ծանոթ դիվանագետը The Washington Post-ին ասել է, որ ի պատասխան՝ ՀԱՄԱՍ-ն Իսրայելից պահանջում է 3-5 օրով դադարեցնել ռազմական գործողությունները՝ ավելացնելով Գազային հումանիտար օգնությունը և ազատ արձակելով իսրայելական բանտերում պահվող մի շարք կանանց և երեխաների։
Իսրայելը ներկայում ուսումնասիրում է առաջարկը։
Քննարկվող համաձայնագրերը կարող են արդյունքի չհանգեցնել, սխեման համաձայնեցվել է միայն «ընդհանուր ձևով», հավելել է պարբերականի աղբյուրը։
«Այսօր մենք պետք է պատասխան ստանանք»,- ասել է նա՝ հավելելով, որ եթե իսրայելական կողմը համաձայնի, պատանդներն արագորեն ազատ կարձակվեն, իսկ եթե առաջարկը մերժվի, դիվանագետները կվերադառնան բանակցություններին։
Նոյեմբերի 15-ի երեկոյան ՄԱԿ-ի Անվտանգության խորհուրդը բանաձև է ընդունել, որով կոչ է անում անհապաղ և երկարատև մարդասիրական դադարներ անել՝ ջրի, էլեկտրաէներգիայի, վառելիքի, սննդի և դեղորայքի անխոչընդոտ առաքման համար:
