02.11.2024 | 16:34
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Դեկտեմբերի 15-ին թեկնածուի կարգավիճակը պետք է պաշտոնապես ձևակերպվի. Վրաստանի ԱԳՆ ղեկավար
Քաղաքականություն
15.11.2023 | 14:14
Վրաստանի արտաքին գործերի նախարար Իլյա Դարչիաշվիլին հայտարարել է, որ ԵՄ անդամության թեկնածուի կարգավիճակի վերաբերյալ Եվրահանձնաժողովի դրական հանձնարարականը Թբիլիսիի՝ եվրաինտեգրմանն ուղղված ամենակարևոր քայլերից մեկն է, գրում է Գրուզիա օնլայնը։
Ըստ պաշտոնյայի՝ Վրաստանի իշխանություններն ակտիվորեն աշխատում են ԵՄ անդամ երկրների մայրաքաղաքներում՝ երաշխավորելու գործընկերների ձայները մինչև դեկտեմբերի 15-ը, երբ Եվրոպական խորհուրդը պետք է վերջնական որոշում կայացնի թեկնածուի կարգավիճակի վերաբերյալ։
«Մենք վստահ ենք, որ Եվրոպական խորհուրդը կընդունի միակ աշխարհաքաղաքական արդարացված և արժանիքների վրա հիմնված որոշումը, որը կանաչ լույս կտա մեր երկրին թեկնածուի կարգավիճակի ձևաչափում, որով մենք կանցնենք եվրաինտեգրման վերջնական փուլին։ Այս գործընթացն է՛լ ավելի համալիր ու բարդ է, թեև մեր ամենօրյա, հայտարարված նպատակն է երկիրը դարձնել եվրոպական ընտանիքի լիիրավ անդամ։ Սա է մեր նպատակը, և մենք շատ ակտիվ աշխատում ենք այս ուղղությամբ։ Դեկտեմբերի 15-ին թեկնածուի կարգավիճակը պետք է պաշտոնապես ձեւակերպվի»,- ասել է Իլյա Դարչիաշվիլին Վրաստանի Առաջին ալիքին տված հարցազրույցում։
