24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Կրկնակի վրաերթի ենթարկված 20-ամյա աղջկա կյանքը փրկել չի հաջողվել
Հասարակություն
13.11.2023 | 14:08
«Դալմա գարդեն մոլ» առևտրի կենտրոնի դիմաց հոկտեմբերի 26-ին կրկնակի վրաերթի ենթարկված 20-ամյա աղջիկը մահացել է. հայտնում են ոստիկանությունից: Factor TV-ի թղթակիցը դեպքի վայրից հայտնել էր, որ երկու տարբեր մեքենաներ իրար հետևից հարվածել են աղջկան, որը փորձել է փողոցը հատել չթույլատրված հատվածով։ ՀՀ ոստիկանությունն այսօր մանրամասներ է ներկայացրել:
««Օպել» մակնիշի մեքենայի վարորդը Երևանի Ծիծեռնակաբերդի խճուղում վրաերթի էր ենթարկել 20-ամյա աղջկա, որն այնուհետև կրկնակի վրաերթի էր ենթարկվել «Նիսանի» վարորդի կողմից: 20-ամյա աղջիկը մարմնական վնասվածքներով տեղափոխվել էր հիվանդանոց: Նոյեմբերի 11-ին հիվանդանոցից հաղորդում է ստացվել, որ կրկնակի վրաերթի ենթարկված 20-ամյա Լուսինե Գևորգյանը մահացել է»,- հայտնում են ոստիկանությունից:
Քննչական կոմիտեից հայտնում են, որ կրկնակի վրաերթի հանգամանքները պարզվում են, կատարվում է նախաքննություն:
Արփի Հակոբյան
