25.02.2026 | 14:00
Ուկրաինական ԱԹՍ-ները հարձակվել են Սմոլենսկի քիմիական գործարանի վրա, զոհվել է 4 մարդ
Մեծ Բրիտանիայի ՆԳ նախարարն ազատվել է պաշտոնից՝ Պաղեստինին աջակցող ցույցերի մասին հոդվածի համար
Քաղաքականություն
13.11.2023 | 15:37
Մեծ Բրիտանիայի վարչապետ Ռիշի Սունակը պաշտոնից ազատել է երկրի ՆԳ նախարար Սուելլա Բրավերմանին՝ այն բանից հետո, երբ վերջինը Պաղեստինին աջակցող ցույցերի վերաբերյալ հոդված է հրապարակել, գրում է Sky news-ը։
Ռիշի Սունակը նրան խնդրել է աշխատանքից հեռանալ այսօր առավոտյան: Սա երկրորդ դեպքն է, երբ Սուելլա Բրավերմանը կորցնում է ներքին գործերի նախարարի պաշտոնը՝ այն բանից հետո, երբ նա հրաժարական էր տվեց Լիզ Թրասի կառավարությունից՝ խախտելով նախարարական օրենսգիրքը: Սունակը նրան վերանշանակել էր մեկ շաբաթ անց, երբ ստանձնել էր վարչապետի պաշտոնը:
Պահպանողական կուսակցության՝ սոցցանցերում հրապարակված գրառման մեջ ասվում է, որ «Սունակի այսօրվա վերադասավորումներն ուժեղացնում են նրա թիմը կառավարությունում՝ ավելի պայծառ ապագայի համար երկարաժամկետ որոշումներ կայացնելու համար»:
Անցյալ շաբաթ Սուելլա Բարվերմանը հոդված էր հրապարակել՝ մեղադրելով ոստիկանությանը «ֆավորիտներ խաղալու» մեջ՝ քննադատելով ոստիկանության գործողությունները պաղեստինամետ երթի ժամանակ: Վարչապետը ստիպված է եղել քայլեր ձեռնարկել, երբ Բրավերմանին սկսել են մեղադրել ոստիկանության գործառնական անկախությունը և նրանց նկատմամբ հանրային վստահությունը խաթարելու համար:
Էմմա Չոբանյան
