18.12.2025 | 19:15
Նավթային շրջանն ավարտվում է. Ադրբեջանը 2027-2035 թվականներին կբախվի խորը ճգնաժամի. հետազոտություն
Գազայում մարտերը շարունակվում են․ տեղի խոշորագույն հիվանդանոցը դադարեցրել է աշխատանքը
Քաղաքականություն
13.11.2023 | 13:51
Իսրայելի ցամաքային ներխուժման շրջանակում Գազայի հատվածի հյուսիսում ամբողջ գիշեր շարունակվել են ծանր մարտերը: Իսրայելի պաշտպանության բանակը հայտնում է, որ զորքերը շարունակում են Գազայի հատվածում հարձակումների ժամանակ գտնել ՀԱՄԱՍ-ի զենքերը, այդ թվում՝ դպրոցներում, մզկիթներում և բնակելի շենքերում, գրում է BBC-ի ռուսական ծառայությունը։
Իսրայելական Haaretz-ը գրում է, որ իսրայելցի զինվորները ներխուժել են Գազայի հատվածում Շատի փախստականների ճամբարի ծայրամասում «Իսլամական ջիհադ» խմբավորման բարձրաստիճան առաջնորդի տուն և, Իսրայելի պաշտպանության բանակի տվյալներով, մանկական սենյակում զենքի պահոց են հայտնաբերել։
Իսրայելը հայտարարում է, որ գործնականում շրջապատել է Գազա քաղաքը՝ մեղադրելով ՀԱՄԱՍ-ին խմբավորման գրոհայիններին քաղաքացիական շենքերի, այդ թվում՝ անկլավի ամենամեծ հիվանդանոցի տակ արգելափակվելու մեջ, ինչը հիվանդանոցը հերքում է։
ԱՄՆ նախագահի վարչակազմն էլ Իսրայելի պաշտոնյաների հետ զրույցում մտահոգություն է հայտնել «Աշ-Շիֆա» հիվանդանոցային համալիրի հնարավոր գրավման կապակցությամբ։ Սպիտակ տունը մտավախություն ունի, որ մեծ թվով խաղաղ բնակիչներ կվիրավորվեն կամ կզոհվեն։
Գազայում գտնվող խոշորագույն «Աշ-Շիֆա» հիվանդանոցը հոսանքազրկված է և չի կարողանում գործել։ Հիվանդանոցի վիրաբուժական բաժանմունքի ղեկավարն ասել է, որ Իսրայելի առաջարկած 300 լիտր վառելիքն էլեկտրաէներգիա կապահովի ընդամենը կես ժամով։
«300 լիտրը ոչինչ չի նշանակում։ Դրանով մեր գեներատորը կաշխատի ընդամենը կես ժամ»,- ասել է նա։
Ըստ իսրայելցի զինվորականների՝ գիշերվա ընթացքում հիվանդանոցի մոտ թողել են 300 լիտր վառելիք, սակայն ՀԱՄԱՍ-ը «ճնշել է հիվանդանոցին»՝ բժիշկներին թույլ չտալով վառելիքը վերցնել։ ՀԱՄԱՍ-ը հերքել է այս լուրերը։
Էմմա Չոբանյան
