24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Միջերկրական ծովում ամերիկյան ռազմական ուղղաթիռ է կործանվել
Քաղաքականություն
13.11.2023 | 13:29
ԱՄՆ պաշտպանության նախարար Լլոյդ Օսթինը հայտնել է, որ հինգ ամերիկացի զինվորականներ են զոհվել Միջերկրական ծովում ռազմական ուղղաթիռի կործանման հետևանքով։ Այս մասին ասվում է Օսթինի պաշտոնական հայտարարության մեջ, գրում է DW-ի ռուսական ծառայությունը։
«Մենք սգում ենք ԱՄՆ հինգ զինվորականների ողբերգական կորուստը Միջերկրական ծովում վարժանքների ընթացքում վթարի ժամանակ»,- ասվում է Օսթինի հայտարարության մեջ։
Ըստ Stars and Stripes-ի աղբյուրների՝ Կիպրոսի ափերի մոտ MH-60 ուղղաթիռի վթարի հետևանքով զոհվել են բանակի հատուկ նշանակության ուժերի հինգ զինծառայողներ։
Ի սկզբանե հաղորդվում էր, որ դժբախտ պատահարը տեղի է ունեցել օդում վառելիքի լիցքավորման ժամանակ, այլ ոչ թե ռազմական գործողությունների հետևանքով:
Այն բանից հետո, երբ Իսրայելը ռազմական գործողություն է սկսել ՀԱՄԱՍ խմբավորման դեմ, որը հարձակվել էր վերջինիս վրա հոկտեմբերի 7-ին, Միացյալ Նահանգները մեծացրել է իր ռազմական ներկայությունը Մերձավոր Արևելքի տարածաշրջանում։ Մասնավորապես, այնտեղ է ուղարկվել USS Gerald Ford ավիակիրը։
Էմմա Չոբանյան
