13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Հաղթանակի զբոսայգում կոտրել են դեսպանությունների՝ հակամարտություններում զոհված անձանց հիշատակին դրված պսակները
Հասարակություն
12.11.2023 | 18:13
Հաղթանակի զբոսայգում այսօր տեղի ունեցած Հիշատակի օրվա միջոցառումից հետո անհայտ անձինք կոտրել են Անմար կրակի մոտ դրված պսակները: Այս մասին ֆեյսբուքյան գրառում է արել հեռուստամեկնաբան Արտյոմ Երկանյանը։
«Այսօր Հաղթանակի զբոսայգում Երկրորդ աշխարհամարտի զոհերի հիշատակը հավերժացնող անմար կրակի մոտ ծաղկեպսակներ էին տեղադրվել Երևանում հավատարմագրված մի քանի դեսպանությունների կողմից։ Անյայտ անձինք կոտրել են ԱՄՆ-ի, Բրիտանիայի, Ֆրանսիայի ու Ուկրաինայի դեսպանությունների պսակները ու դրանք դեն նետել։ Ուզում եմ հասկանալ այդ մարդկանց տրամաբանությունը»,- գրել է Երկանյանը:
Հիշեցնենք, որ այսօր առավոտյան ԱՄՆ-ի, Բրիտանիայի, Ֆրանսիայի, Ուկրաինայի և և այլ դեսպանությունների ներկայացուցիչների մասնակցութամբ Հաղթանակի զբոսայգում տեղի է ունեցել Հակամարտություններում զոհված և վիրավորում ստացված անձանց հիշատակի արարողություն: Այս միջոցառումը տեղի է ունենում յուրաքանչյուր տարի, նոյեմբերի 11-ին, այսինքն՝ Առաջին համաշխարհային պատերազմի ավարտին մոտ կիրակի օրը:
Ոստիկանությունից դեպքի առթիվ մեկնաբանություն ստանալ մեզ չի հաջողվել:
