23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Արաբական պետությունների լիգան Գազայում «ամբողջական զինադադար» է պահանջում
Քաղաքականություն
10.11.2023 | 21:30
Արաբական պետությունների լիգան Գազայում «ամբողջական զինադադար» է պահանջում։ Այս մասին ասվում է կազմակերպության հայտարարության մեջ, գրում է CNN-ը։
«Մարդասիրական հրադադարը արաբական դիրքորոշման հիմքում չէ, քանի որ արաբական դիրքորոշումը պահանջում է ամբողջական զինադադար: Մարդասիրական զինադադարը գաղափար է, որի մասին որոշ մարդիկ խոսում են՝ փորձելով դիմակայել պատերազմի և Իսրայելի ագրեսիայի պատճառով վատթարացող հումանիտար իրավիճակին: Արաբական դիրքորոշումը հստակ հիմնված է կրակի անհապաղ դադարեցման վրա»,- ասվում է Արաբական լիգայի խոսնակ Հոսամ Զաքիի հայտարարության մեջ:
Նշվում է, որ կառույցի ԱԳ նախարարները Սաուդյան Արաբիայում կայանալիք արտակարգ արաբական գագաթնաժողովից առաջ նախապատրաստական հանդիպում են անցկացրել Էր Ռիադում՝ Սաուդյան Արաբիայի արտգործնախարար արքայազն Ֆեյսալ բեն Ֆարհան Ալ-Սաուդի գլխավորությամբ՝ քննարկելու «Գազայի վրա իսրայելական ագրեսիան դադարեցնելու ուղիները»։
Հաղորդվում է, որ «մեծ թվով» արաբական երկրների առաջնորդներ են մասնակցելու գագաթնաժողովին, արաբական երկրները «լավ ներկայացված կլինեն»։ Իր մասնակցությունը հաստատել է նաև Սիրիայի նախագահ Բաշար Ասադը X-ում գրառման միջոցով։
Էմմա Չոբանյան
