19.12.2025 | 17:00
Գևորգ Կոստանյանին ՀՀ-ին հանձնելու նոր միջնորդություն է ուղարկվել ՌԴ
Ուկրաինան հայտնել է, որ Ղրիմում ԱԹՍ-ների հարձակման ժամանակ ռուսական դեսանտային նավեր են վնասվել
Քաղաքականություն
10.11.2023 | 19:07
Ղրիմում գիշերը անօդաչու թռչող սարքերով հարձակման ժամանակ վնասվել են ռուսական փոքր դեսանտային նավեր։ Այս մասին հայտնում է Ուկրաինայի Պաշտպանության նախարարության գլխավոր հետախուզական վարչությունը, գրում է BBC-ի ռուսական ծառայությունը։
«Երկու դեսանտային նավակներ են վնասվել։ Այդ գործողությունը շարունակվելու է»,- ասել է վարչության ներկայացուցիչ Անդրեյ Յուսովը։
Գերատեսչությունում նշել են, որ խոսքը «Serna» նախագծի 11770 դեսանտային նավակների մասին է։ Հարձակման պահին, ըստ Գլխավոր հետախուզության վարչության տվյալների, նավերի վրա անձնակազմ և զրահամեքենաներ են եղել։ Ռուս զինվորականներն օգտագործում են զենիթահրթիռային համակարգերով նավակները՝ թաքցնելու ՌԴ սևծովյան նավատորմի նավերը ռեյդերի ժամանակ, ինչպես նաև ծովայինների խմբերի վայրէջքի և տարհանման համար։
Ավելի վաղ ռուսական լրատվամիջոցները գրել էին Ղրիմի շրջանում պայթյունների մասին։ ՌԴ ՊՆ-ն էլ հայտնել էր, որ նոյեմբերի 9-ի լույս 10-ի գիշերը հակաօդային պաշտպանության համակարգերը որսացել են ուկրաինական երկու անօդաչու թռչող սարք, ևս մեկը խոցվել է Տուլայի շրջանում։
Էմմա Չոբանյան
