30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Իսրայելը չարաշահում է մեր համբերությունը նաև միջուկային զենքի կիրառման սպառնալիքով․ Էրդողան
Քաղաքականություն
10.11.2023 | 16:33
Գազայի հատվածում ամբողջ աշխարհի աչքի առաջ տեղի է ունենում ողբերգություն, աղետ, հանցագործություն մարդկության դեմ։ Այս մասին հայտարարել է Թուրքիային նախագահ Ռեջեփ Թայիփ Էրդողանը Աթաթուրքի մահվան 85-րդ տարելիցին նվիրված միջոցառմանը, փոխանցում է TRT Haber-ը։
«Իսրայելի դաժան հարձակումները Գազայի վրա ևս մեկ անգամ ապացուցեցին մեր պայքարի և հնարավորինս շուտ հաջողության հասնելու կարևորությունը։ Ամբողջ աշխարհի աչքի առաջ տեղի է ունենում աղետ, աղետ, մարդկության դեմ հանցագործություն»,- հայտարարել է Էրդողանը։
Նա հավելել է, թե նրանք, ովքեր «բռնի կերպով յուրացրել են այն հողը, որտեղ հազարավոր տարիներ ապրել է պաղեստինյան ժողովուրդը, փորձում են կառուցել մի պետություն, որը գոյություն ունի ընդամենը 75 տարի, և որի լեգիտիմությունը կասկածելի է դարձել սեփական ֆաշիզմի պատճառով»։
«Դա բավարար չէ։ Նրանք փորձարկում են մեր համբերությունը միջուկային զենքի կիրառման սպառնալիքներով, խոստացված հողի հետ կապված մոլորությամբ, որը ներառում է մեր երկրի տարածքը»,- ասել է Թուրքիայի նախագահը։
Ըստ Էրդողանի՝ Թուրքիան շարունակում է աշխատանքը բոլոր հարթակներում ու աջակցում է Գազայի ժողովրդին՝ չլքելու իրենց տներն ու հողերը։
Հավելենք, որ Էրդողանը Իսրայել-ՀԱՄԱՍ պատերազմի ֆոնին պարբերաբար Իսրայելին կոշտ քննադատության է ենթարկում։
Էմմա Չոբանյան
