24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Մերձավոր Արևելքում ԱՄՆ բազաները 46 անգամ հարձակման են ենթարկվել վերջին շաբաթներին․ Պենտագոն
Քաղաքականություն
10.11.2023 | 15:26
Սիրիայում չորեքշաբթի իրանական օբյեկտներին ԱՄՆ-ի հարվածից հետո ամերիկյան զորքերը չորս անգամ Մերձավոր Արևելքում Իրանի կողմից աջակցվող խմբավորումների հարվածների թիրախում են հայտնվել։ Պենտագոնի մամուլի քարտուղարի տեղակալ Սաբրինա Սինգհը հայտարարել է, որ ԱՄՆ-ի բազաները 46 անգամ հարձակման են ենթարկվել հոկտեմբերի 17-ից ի վեր՝ Իսրայելի և պաղեստինյան ՀԱՄԱՍ զինյալ խմբավորման միջև պատերազմի բռնկումից հետո, գրում է The Hill-ը։
Դա ներառում է 24 հարձակում Իրաքում և 22-ը՝ Սիրիայում։ Հարձակումների ժամանակ անօդաչուներ և հրթիռներ են կիրառվել։
«Եթե այս հարձակումները շարունակվեն մեր անձնակազմի դեմ, մենք չենք վարանի մեր ընտրած ժամանակին և վայրում կրկին պատասխանել»,- ասել է Սինգհը լրագրողների հետ ճեպազրույցում:
Ընդհանուր առմամբ, 56 զինվորական է վիրավորվել գրոհների ժամանակ, սակայն մեծ մասը թեթև վնասվածքներ են, և նրանք արդեն վերադարձել են ծառայության։
Օրերս էլ հութիները, որոնց աջակցում է նաև Իրանը, Եմենի ափերի մոտ խոցել էին ամերիկյան MQ-9 Reaper անօդաչու թռչող սարքը:
ԱՄՆ-ն այժմ ավելի է ուժեղացրել իր ներկայությունը Մերձավոր Արևելքում՝ Իսրայել-ՀԱՄԱՍ պատերազմի ֆոնին։
Էմմա Չոբանյան
