24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Հորդանան գետի արևմտյան ափի Ջենին քաղաքում կատաղի բախումներ են պաղեստինցիների և իսրայելական բանակի միջև
Քաղաքականություն
09.11.2023 | 17:35
Իսրայելական զորքերը «մի քանի ճակատներից» գրոհում են Հորդանան գետի արևմտյան ափին գտնվող Ջենին քաղաքը, հաղորդում է Al Mayadeen հեռուստաալիքը: Նշվում է, որ կատաղի բախումներ են սկսվել, փոխանցում է Կոմերսանտը:
Հեռուստաալիքի տվյալներով՝ Իսրայելը համալրում է ստանում հարևան բնակավայրերից, սակայն բախվում է «կատաղի դիմադրության՝ առաջխաղացման փորձի ժամանակ»։
Հորդանան գետի արևմտյան ափին բախումները տեղի են ունենում Իսրայելի և ՀԱՄԱՍ-ի միջև պատերազմի ֆոնին, որը շարունակվում է հոկտեմբերի 7-ից։ Այն սկսվել է պաղեստինյան շարժման հարձակմամբ, որի ժամանակ զոհվել է 1,400 իսրայելցի, վիրավորվել՝ 5,400-ը։
Իսրայելը պատասխան ռազմական օպերացիա է իրականացնում։ Գազայի հատվածում արդեն մահացել է շուրջ 10,3 հազար պաղեստինցի, որոնց մեծ մասը կանայք և երեխաներ են։ Տուժել է 26 հազար մարդ։ Հորդանան գետի արևմտյան ափին էլ 150 պաղեստինցի է զոհվել, 2,400-ը՝ վիրավորվել։
