16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Զելենսկին նշել է խաղաղ բանակցությունների պայմանները
Քաղաքականություն
09.11.2023 | 14:17
Ուկրաինայի նախագահ Վլադիմիր Զելենսկին հայտարարել է, որ բաց է այլ երկրների խաղաղ նախաձեռնությունների համար, սակայն մերժել է Ռուսաստանի Դաշնության հետ փոխզիջումների գնալու հնարավորությունը, գրում է DW-ի ռուսական ծառայությունը։
«Ինչո՞ւ եք կարծում, որ պատերազմող երկիրը, որը հարձակման է ենթարկվել, պետք է պատրաստ լինի փոխզիջման։ Ռուս զինվորները պետք է գնան իրենց հողը, նրանք պետք է հեռանան։ Սա պատերազմը դադարեցնելու իրական միջոց է»,- հայտարարել է նա Նյու Յորքում Reuters NEXT համաժողովում տեսակապով ելույթի ժամանակ։
«Եթե մեր տարածքները դառնան փոխզիջումային, ապա դուք պետք է հասկանաք, թե ինչ կլինի այլ տարածաշրջաններում, այլ մայրցամաքներում: Այսուհետ այլ երկրների տարածքներն ամենուր սպառնալիքի տակ կլինեն»,- հավելել է Զելենսկին։
Նա նշել է, որ Ուկրաինան «պատրաստ է լսել ցանկացած ձայն, եթե դրանք ռուսական չեն», և ենթադրում է ռուսական զորքերի դուրսբերում ուկրաինական տարածքներից։ Մասնավորապես, Կիևում պատրաստ են լսել Բրազիլիայի, ԱՄՆ-ի, Չինաստանի, աֆրիկյան երկրների առաջարկները։
«Մենք ասում ենք, որ կարող ենք կիսել ձեր գաղափարները, դա նորմալ է: Միայն մեր 10 կետերը (ուկրաինական խաղաղության բանաձևի) դոգմա չեն, բայց բոլոր առաջարկները պետք է հիմնված լինեն մեկ գաղափարի վրա, այլապես մենք երբեք լուծում չենք գտնի»,- ասել է Ուկրաինայի նախագահը։
