02.11.2024 | 15:05
«Գոյ» թատրոնը կվերսկսի իր բնականոն աշխատանքը
Իսրայելը հայտարարել է ՀԱՄԱՍ-ի սպառազինության բաժնի ղեկավարին ոչնչացնելու մասին
Քաղաքականություն
08.11.2023 | 13:45
Իսրայելի պաշտպանության բանակը հայտարարել է ՀԱՄԱՍ-ի առաջնորդներից մեկի՝ Մոհսեն Աբու Զինի ոչնչացման մասին, որը ղեկավարում էր խմբավորման հետախուզության և սպառազինության բաժինը։ Զինվորականների տվյալներով՝ Աբու Զինը պատասխանատու էր զինամթերքի և հրթիռների արտադրության համար, գրում է BBC-ի ռուսական ծառայությունը։
Առավոտյան ճեպազրույցում Իսրայելի պաշտպանության բանակի ներկայացուցիչը նշել է, որ շարունակում են գործել Գազայի հատվածի խորքում՝ սպանելով ահաբեկիչներին և համակարգելով օդային հարվածները ՀԱՄԱՍ-ի ենթակառուցվածքների դեմ:
Խմբավորման ներկայացուցիչները, սակայն, հայտարարել են, որ անցած գիշեր իսրայելական ավիացիան հարվածել է բնակելի շենքերին։ Պաղեստինյան Wafa գործակալությունը, հղում անելով Գազայի Առողջապահության նախարարությանը, հայտնում է, որ անցած գիշեր Գազա քաղաքում և անկլավի այլ հատվածներում տասնյակ խաղաղ բնակիչներ են սպանվել։
Իսրայելը դեռևս չի մեկնաբանել այս տեղեկությունները։
Էմմա Չոբանյան
