02.11.2024 | 15:05
«Գոյ» թատրոնը կվերսկսի իր բնականոն աշխատանքը
ՌԴ-ն և Մյանմարը համատեղ ռազմածովային զորավարժություններ են անցկացնում
Քաղաքականություն
07.11.2023 | 19:55
ՌԴ ռազմածովային ուժերի գլխավոր հրամանատարը հանդիպել է Մյանմարի խունտայի ղեկավարի հետ այսօր մեկնարկած համատեղ ռազմածովային զորավարժություններից առաջ։ VOA-ի փոխանցմամբ՝ այս մասին հաղորդում են Մյանմարի պետական լրատվամիջոցները։
Սա առաջին համատեղ զորավարժությունն է երկու երկրների միջև, որոնք հակասում են Արևմուտքի հետաքրքրություններին։
Անդամանյան ծովում ՌԴ Խաղաղօվկիանոսյան նավատորմի և Մյանմարի ռազմածովային ուժերի մասնակցությամբ զորավարժությունները կշարունակվեն մինչև նոյեմբերի 9-ը, հաղորդում է «Global New Light of Myanmar»-ը։
Վարժանքների մեկնարկից առաջ ՌԴ ռազմածովային ուժերի գլխավոր հրամանատար, ծովակալ Նիկոլայ Եվմենովը հանդիպել է խունտայի առաջնորդ Մին Աունգ Հլաինգին ռուսական խոշոր հակասուզանավային Admiral Tributs նավի վրա։ Նշվում է, որ Եվմենովը Մին Աուն Հլաինգին պատմել է նավի հնարավորությունների մասին։
Ըստ աղբյուրի՝ Մոսկվան Մյանմարի խունտայի մերձավոր դաշնակիցն է, որը նրան մատակարարում է զենք և դիվանագիտական աջակցություն, քանի որ Մյանմարի զինվորականները փորձում են կոտրել իրենց իշխանության դեմ զինված ընդդիմությանը:
