09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Վագիֆ Խաչատրյանին Բաքուն 15 տարվա ազատազրկման դատապարտեց
Քաղաքականություն
07.11.2023 | 16:21
Բաքվի Յասամալի շրջանային դատարանի վարչական շենքում ռազմական դատարանի դատավոր Զեյնալ Աղաևի նախագահությամբ տեղի ունեցած շինծու գործով դատական նիստում հրապարակվել է Լաչինի միջանցքի ադրբեջանական անցակետից առևանգված Վագիֆ Խաչատրյանի դատավճիռը․ նա դատապարտվել է 15 տարվա ազատազրկման։
Ադրբեջանական լրատվամիջոցների հաղորդմամբ՝ առաջին 5 տարիները Խաչատրյանը պատիժը պետք է կրի բանտում, իսկ մնացածը՝ խիստ ռեժիմի ուղղիչ գաղութում։
Այսօր ավելի վաղ, մինչ դատարանի՝ խորհրդակցական սենյակ հեռանալը անցկացված նիստում Վագիֆ Խաչատրյանը նշել է, որ իրեն մեղավոր չի ճանաչում և դատարանին խնդրել է արդարացնել իրեն: Իսկ պետական մեղադրող Մեղադիս Սուլթանովը պահանջել է Խաչատրյանին 15 տարվա ազատազրկման դատապարտել։
Հիշեցնենք՝ Կարմիր Խաչի միջազգային կոմիտեի ուղեկցությամբ հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ադրբեջանական ապօրինի անցակետից։ Այնուհետև Բաքուն նրան «զանգվածային սպանությունների» շինծու մեղադրանքներ է առաջադրել։
