17.12.2025 | 15:32
Սիրելի երեխաներ, ձեզ 2 պատգամավորի հետ կծանոթացնեմ․ Սիմոնյանը՝ Տ․ Մարգարյանի օգնականի մասին․ ՏԵՍԱՆՅՈՒԹ
ՌԴ-ն դուրս է եկել Եվրոպայում սովորական զինված ուժերի մասին պայմանագրից
Քաղաքականություն
07.11.2023 | 15:55
Ռուսաստանն ավարտել է Եվրոպայում սովորական զինված ուժերի մասին պայմանագրից դուրս գալու ընթացակարգը։ Այս մասին հայտնում է ՌԴ ԱԳՆ-ն, որին վկայակոչում է DW-ի ռուսական ծառայությունը։
Հաղորդագրության մեջ նշվում է, որ Մոսկվայի համար այլևս ուժի մեջ չեն նաև 1990 թվականի նոյեմբերի 3-ի Բուդապեշտի համաձայնագիրը և 1996 թվականի մայիսի 31-ի փաստաթուղթը՝ կապված ԵՍԶՈՒ պայմանագրի հետ։
«Առաջինը ստորագրվել է այն ժամանակվա Վարշավյան պայմանագրի մասնակիցներից յուրաքանչյուրի համար սովորական սպառազինության մակարդակը որոշելու նպատակով, իսկ երկրորդը՝ ԽՍՀՄ գոյությունը դադարեցնելու կապակցությամբ ծագած եզրային սահմանափակումների խնդրի ժամանակավոր լուծման համար»,- ասվում է հայտարարության մեջ։
Եվրոպայում սովորական զինված ուժերի մասին պայմանագիրը ստորագրվել է 1990 թվականի նոյեմբերի 19-ին ՆԱՏՕ-ի տասնվեց երկրների և Վարշավայի պայմանագրի անդամ վեց երկրների կողմից: Այն սահմանափակումներ է սահմանել մասնակից երկրների համար սովորական սպառազինությունների և ռազմական տեխնիկայի քանակի վերաբերյալ։ Ռուսաստանը պայմանագիրը վավերացրել է 1992 թվականի հուլիսին, իսկ 2007 թվականի հուլիսին դադարեցրել դրա գործողությունները։
2023 թվականի մայիսին ՌԴ նախագահ Վլադիմիր Պուտինը ստորագրել է պայմանագրի դենոնսացիայի մասին օրենքը։
Էմմա Չոբանյան
