06.04.2026 | 14:15
Արման Ծառուկյանը կանխատեսել է Մախաչևի և Տոպուրիայի հնարավոր մենամարտի հաղթողին
Ռուսաստանը հրթիռային հարված է հասցրել Օդեսային
Քաղաքականություն
06.11.2023 | 13:50
Օդեսայում 5 մարդ վիրավորվել է, իսկ քաղաքի գլխավոր գեղարվեստական պատկերասրահներից մեկը վնասվել՝ ուշ գիշերին ռուսական հարվածների հետևանքով։ Այս մասին հայտնել են սևծովյան նավահանգստային քաղաքի ուկրաինացի պաշտոնյաները, գրում է VOA-ն:
«Նոյեմբերի 6-ին Օդեսայի արվեստի ազգային թանգարանը դառնում է 124 տարեկան։ Նոյեմբերի 6-ին ռուսները «շնորհավորեցին» մեր ճարտարապետական հուշարձանին հրթիռով հարված հասցնելով, որը պայթեց մոտակայքում՝ վնասելով շենքի պատերը և կոտրելով ապակիները»,- Telegram-ում գրել է Օդեսայի մարզի նահանգապետ Օլեգ Կիպերը։
Օդեսայի ամենահին շենքերից մեկում գտնվող թանգարանում մինչ պատերազմը պահվում էր ավելի քան 10,000 արվեստի գործ, այդ թվում՝ 19-րդ դարի վերջի և 20-րդ դարի սկզբի ռուս և ուկրաինացի ամենահայտնի նկարիչների կտավները:
