26.06.2026 | 18:00
ԴՕԿ-ը Դանիել Իոաննիսյանին վկայի կարգավիճակով ՍԴ հրավիրելու միջնորդություն ներկայացրեց․ ՏԵՍԱՆՅՈՒԹ
Շուշիում ավտոմեքենա է վթարվել և հրդեհվել՝ խլելով 5 ադրբեջանցու կյանք
06.11.2023 | 18:14
Ադրբեջանի կողմից օկուպացված Շուշիի Քարին տակ գյուղում խոշոր ավտովթար է տեղի ունեցել։ Ադրբեջանական լրատվամիջոցները հայտնում են, որ Էլվին Աբբասովի վարած Nissan Navara մակնիշի ավտոմեքենան կորցրել է կառավարումը. դուրս է եկել ճանապարհի երթևեկելի հատվածից ու շրջվել, ինչի հետևանքով հրդեհ է բռնկվել։
Ավտոմեքենայում գտնվող ուղևորները՝ Կյամիլ Գայբալիևը, Ռաշադ Ատակիշիևը, Շահբազ Իսաևը, Էլդանիզ Հասանովը, Գումբատ Գումբատովը ողջ-ողջ այրվել են։ Ծանր այրվածքներով վարորդը հոսպիտալացվել է։
Նշվում է, որ դեպքի առթիվ կատարվում է քննություն։
Հաղորդվում է, որ մեքենայում գտնվողները ճանապարհաշինական ընկերություններից մեկի աշխատակիցներ են։
Էմմա Չոբանյան
