30.04.2026 | 12:58
CENTCOM-ի հրամանատարը Թրամփին կտեղեկացնի Իրանի դեմ նոր ռազմական տարբերակների մասին. Axios
Ամառներն ավելի շոգ են դառնում․ ՀՀ-ում միջին տարեկան ջերմաստիճանն աճում է
06.11.2023 | 20:30
Գլոբալ տաքացումը Հայաստանում զգացվում է նաև շոգ ամառների և տաք աշունների տեսքով։ Այս պնդումն ապացուցվում է Վիճակագրական կոմիտեի տվյալներով, որոնք ներկայացնում են Հայաստանում միջին ջերմաստիճանների փոփոխությունը։ 2022 թվականի օգոստոսին (ամենաշոգ ամիսն է) Հայաստանում միջին ջերմաստիճանը կազմել է 19,5 աստիճան։
Սա ոչ միայն ամենաբարձր ցուցանիշն է վերջին տարիներին, այլև 2,8 աստիճանով բարձր է 1961-1990 թվականների օգոստոսների միջինացված ցուցանիշից։
Մյուս ամիսների դինամիկան նույնպիսի փոփոխություններ է ցույց տալիս։ Ամենամեծ տարբերությունը գրանցվել է փետրվարին․ 2022-ի ցուցանիշը 4,1 աստիճանով բարձր է եղել 1961-1990 թվականների փետրվարյան միջին ջերմաստիճանից։
Տարեկան միջին ջերմաստիճանը նույնպես ակնհայտ աճել է վերջին տարիներին։ Մասնավորապես, պատմական տվյալներից հայտնի է, որ Հայաստանում միջին ջերմաստիճանը 1961-1990 թվականներին եղել է 5,5°C։ Նախորդ 5 տարիներին այն դինամիկ աճել է և այժմ գնահատվում է միջինում 7,2°C։
Գարիկ Հարությունյան
