Մոսկվան և Բաքուն շարունակում են խորացնել համագործակցությունը նավթագազային ոլորտում

Լուրեր

22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
Բոլորը

Ադրբեջանն ու ՌԴ-ն խորացնում են համագործակցությունը նավթագազային ոլորտում։ Մասնավորապես, Ադրբեջանի պետական նավթագազային SOCAR ընկերությունը և ՌԴ Թաթարստանի Հանրապետության «Թաթնեֆտ»-ը համագործակցության «Ճանապարհային քարտեզ» են ստորագրել։ Այս մասին հայտնում է Ադրբեջանի Էկոնոմիկայի նախարարությունը։

Փաստաթուղթը ստորագրվել է Բաքվում՝ Ադրբեջանի էկոնոմիկայի նախարար Միքայիլ Ջաբարովի, SOCAR-ի նախագահ Ռովշան Նաջաֆի և «Թաթնեֆտ»-ի գլխավոր տնօրեն Նաիլ Մագանովի հանդիպման ժամանակ։

Նշվում է, որ կողմերը քննարկել են էներգետիկայի ոլորտում իրականացվող ծրագրերն ու համագործակցության հնարավորությունները, ընկերության հետ համագործակցության առաջնահերթ ուղղությունները, մտքեր են փոխանակվել փոխադարձ հետաքրքրություն ներկայացնող այլ հարցերի շուրջ։ Փաստաթուղթը նախատեսում է ընկերությունների համագործակցություն արտադրության, վերամշակման, նավթի և նավթաքիմիական արտադրանքի իրացման, փորձի փոխանակման, մարդկային կապիտալի զարգացման և այլ ոլորտներում։

Հավելենք, որ երկու երկրները վերջին շրջանում պարբերաբար հանդիպում և քննարկում են էներգակիրների հարցը։ Մասնավորապես, օրերս ՌԴ փոխվարչապետ Ալեքսանդր Նովակը հանդիպել էր Ադրբեջանի էկոնոմիկայի նախարար Միքայիլ Ջաբարովի հետ։ Զրուցակիցները քննարկել էին նավթի և գազի, էլեկտրաէներգիայի ոլորտներում երկու երկրների համագործակցության ընդլայնմանն ու վերականգնվող էներգիայի աղբյուրների զարգացմանը վերաբերող հարցեր։ Բանակցությունների օրակարգում է եղել ռուսական նավթազազային ընկերությունների մասնակցությունն Ադրբեջանի տարածքում արդյունահանման նոր նախագծերին, երկրում վառելիքի վաճառքի ծավալների մեծացման, այդ թվում՝ Տիխորեցկ-Բաքու նավթամուղով ռուսական նավթի ռևերսային մատակարարումների ավելացման հարցերը։

Հիշեցնենք՝ դեռևս հոկտեմբերի սկզբին Մոսկվայում Ադրբեջանի էներգետիկայի նախարար Փարվիզ Շահբազովը և ՌԴ փոխվարչապետ Ալեքսանդր Նովակը քննարկել էին Տիխորեցկ-Բաքու նավթամուղի ընդլայնման հարցը, որը ՌԴ-ից նավթի ռևերսային մատակարարումների հնարավորություն կտա։ Նովակը հայտարարել էր, որ նավթամուղի ընդլայնումից հետո նավթի մատակարարումների ծավալը դեպի Ադրբեջան հետագայում կարող է հասնել մինչև 4 մլն տոննայի։ Նման տարբերակն ավելի շատ ձեռնտու է Ադրբեջանին, որը ռուսական նավթի վերամշակմամբ կկարողանա շահույթով արտահանել իր նավթը։

Ի դեպ, ադրբեջանական կողմը նաև հայտնում է, որ կազմակերպել է ռուսական պատվիրակության այցը գրավյալ հայկական Շուշի քաղաք։

Էմմա Չոբանյան