15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Թուրքիայում կալանավորված ամերիկացի հոգևորականի նկատմամբ սահմանվել է տնային կալանք
Քաղաքականություն
26.07.2018 | 13:28
Իզմիրի ծանր հանցանագործությունների դատարանը ամերիկացի հոգևորական Էնդրյու Բրանսոնի նկատմամբ բանտային կալանքի փոխարեն տնային կալանք սահմանելու որոշում է կայացրել. փոխանցում է ermenihaber-ը:
Վերջինիս սպառնում է 35 տարվա ազատազրկում։ Նա մեղադրվում է «լրտեսության», ինչպես նաև «գյուլենական համայնքի» և «Քուրդիստանի բանվորական կուսակցության» (ՔԲԿ-PKK) հետ կապ ունենալու մեջ։
Մի քանի օր առաջ՝ հուլիսի 18-ին, նույն Իզմիրի դատարանը որոշում էր կայացրել երկարաձգել Բրանսոնի կալանավորման ժամկետը, ինչը մեծ դժգոհություն էր առաջացրել ԱՄՆ-ում։
Մեղադրյալի փաստաբանը Բրանսոնի խափանման միջոցը փոխելու միջնորդություն էր ներկայացնել, որտեղ դատարանի ուշադրությունն էր հրավիրել Բրանսոնի առողջական վիճակի վրա։ Դատարանը, հաշվի առնելով ներկայացված հանգամանքները, որոշել է մինչև դատավարության ավարտը տնային կալանք սահմանել Բրանսոնի նկատմամբ։
Թուրքական դատարանի որոշումը գոհունակությամբ է ընդունել ԱՄՆ-ի պետքարտուղար Մայք Պոմպեոն:
«Ողջունում ենք Բրանսոնի նկատմամբ տնային կալանք սահմանելու որոշումը, սակայն դա բավարար չէ։ Առ այսօր Բրանսոնի դեմ որևէ հավաստի ապացույց չի ներկայացվել։ Թուրք պաշտոնյաներին կոչ ենք անում այս գործը անհապաղ լուծել արդար կերպով»,-ասել է Պոմպեոն։
