15.09.2026 | 17:53
Հայտնի է՝ որ ստադիոններն են ընդունելու եվրագավաթների եզրափակիչներն առաջիկա տարիներին
Միջազգային համաժողովը համաձայնեցրել է արհեստական բանականության հետ աշխատելու շրջանակը
Քաղաքականություն
03.11.2023 | 22:22
Արհեստական բանականության (AI) տեխնոլոգիաները պետք է մշակվեն, ներդրվեն և օգտագործվեն այնպես, որ լինի անվտանգ, մարդակենտրոն, վստահելի և օգտագործվի պատասխանատու կերպով, գրում է DW-ի ռուսական ծառայությունը:
Սա, այսպես կոչված, «Բլեթչլիի հռչակագրի» առանցքային դրույթն է, որը ստորագրել են Եվրամիությունը, Գերմանիան, Ֆրանսիան, ԱՄՆ-ը, Ճապոնիան, Չինաստանը և արհեստական բանականության անվտանգ օգտագործման միջազգային կոնֆերանսի այլ մասնակիցներ, որն ավարտվել է բրիտանական Միլթոն Քեյնս քաղաքում։
Ֆորումի շուրջ 30 մասնակիցների թվում են եղել ոչ միայն պետություններ և կազմակերպություններ, այլ նաև ՏՏ ոլորտի խոշոր կոնցեռնների ներկայացուցիչներ, այդ թվում՝ ChatGPT Open AI-ի և Google-ի դուստր ձեռնարկության ստեղծած ընկերության մենեջերները, ինչպես նաև Tesla-ի և SpaceX-ի հիմնադիր Իլոն Մասկը: Վերջինն անձնական հանդիպում է ունեցել Մեծ Բրիտանիայի վարչապետ Ռիշի Սունակի հետ։
Համաժողովի կարևոր արդյունքներից էր արհեստական բանականության անվտանգության բրիտանաամերիկյան ինստիտուտի ստեղծումը, որի խնդիրն է լինելու նոր ծրագրերի փորձարկումը՝ դրանք օգտագործելուց առաջ։ Նման ինստիտուտի ստեղծման շուրջ Սունակը պայմանավորվել է ԱՄՆ փոխնախագահ Քամալա Հարիսի և առաջատար տեխնոլոգիական ընկերությունների հետ։
