24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
Էրդողանն ու Ալիևը քննարկել են Հայաստան-Թուրքիա կարգավորումն ու Հայաստան-Ադրբեջան հարաբերությունների ներկա վիճակը
Քաղաքականություն
03.11.2023 | 11:55
Աստանայում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։ Թուրքիայի նախագահի մամուլի ծառայության հաղորդմամբ՝ հանդիպման ընթացքում քննարկվել են Թուրքիա-Ադրբեջան հարաբերությունները, տարածաշրջանային ու գլոբալ խնդիրներն ու իսրայելա-պաղեստինյան հակամարտությունը։
Էրդողանը հայտարարել է, որ «Թուրքիայի մարդասիրական ջանքերը կշարունակեն աճել, իսկ միջազգային հանրությունը պետք է հստակ ազդակներ ուղարկի, որպեսզի Իսրայելը գործի միջազգային իրավունքին համապատասխան»։ Թուրքիայի նախագահի կարծիքով տարածաշրջանում մշտական խաղաղություն կարող է ձեռք բերվել միայն «աշխարհագրորեն համահունչ և անկախ» Պաղեստին պետության ստեղծմամբ իր մայրաքաղաք Արևելյան Երուսաղեմով 1967 թ. սահմաններով։
«Հանդիպման ընթացքում քննարկվել են նաև Թուրքիա-Հայաստան հարաբերությունների կարգավորման գործընթացը և Ադրբեջանի և Հայաստանի միջև հետհակամարտային գործընթացի ներկա իրավիճակը»,-ասվում է հաղորդագրության մեջ։
Հավելենք, որ Աստանայում անցկացվում է Թուրքական պետությունների կազմակերպության 10-րդ գագաթնաժողովը։
