02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Գերմանիայի ԱԳ նախարարը ԵՄ-ում ֆունդամենտալ բարեփոխումներ անցկացնելու կոչ է արել
Քաղաքականություն
02.11.2023 | 20:17
Գերմանիայի արտաքին գործերի նախարար Անալենա Բերբոքը Եվրամիության հիմնարար բարեփոխումների առաջարկներ է արել։ Ըստ նրա՝ փոփոխություններ են անհրաժեշտ, որպեսզի պահպանվի կազմակերպության գործունեության հնարավորությունը նույնիսկ նոր երկրների ծրագրված անդամակցությունից հետո։ Այս մասին Բերբքոն ասել է Բեռլինում եվրոպական արտաքին քաղաքականության ղեկավարների համաժողովում, գրում է DW-ի ռուսական ծառայությունը:
Միևնույն ժամանակ, Գերմանիայի ԱԳՆ ղեկավարը մատնանշել է ներքին շրջափակման և Եվրամիության արդյունավետության նվազման «անվերահսկելի» ռիսկը 36 և ավելի անդամներով ընդլայնվելուց հետո։
«Ինչպե՞ս կարող ենք ապահովել, որ մեր ինստիտուտները շարունակեն գործել նույնիսկ այն դեպքում, եթե ԵՄ-ն մեկ տասնյակ նոր անդամներ ունենա»,- հարցրել է նա ու մատնանշել այս հարցին առաջիկա տարիներին պատասխանելու անհրաժեշտությունը։
Նրա խոսքով՝ Եվրամիության ընդլայնումը չի նշանակում դրա ավտոմատ ամրապնդում, և այն պետք է «ոչ միայն զարդարի իր դիմաճակատը, այլև ամրացնի դրա կոնստրուկցիան»։
Եթե ԵՄ երկրների թիվն ավելանա գրեթե մեկ երրորդով, կազմակերպությանն անհրաժեշտ կլինի «պինդ կառուցվածք՝ նկուղից մինչ տանիք», հավելել է Բերբոքը։
