15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Ծանրամարտիկ Սիմոն Մարտիրոսյանի նկատմամբ վրաերթի գործով հետապնդումը դադարեցվել է
Հասարակություն
02.11.2023 | 15:46
Ծանրամարտի աշխարհի բազմակի չեմպիոն Սիմոն Մարտիրոսյանի նկատմամբ մահվան ելքով վրաերթի գործով քրեական հետապնդումը դադարեցվել է, գործի վարույթը՝ կարճվել։ Այս մասին հայտնում է Մարտիրոսյանի պաշտպան Ռուբեն Բալոյանը։
Հիշեցնենք, որ 2021 թվականի ապրիլի 12-ին մահացու ելքով վրաերթ էր տեղի ունեցել Երևանի Արշակունյաց պողոտայում, որի առթիվ հարուցված քրեական գործի շրջանակներում Սիմոն Մարտիրոսյանը մեղադրյալի կարգավիճակ ուներ։ Ըստ գործի՝ քաղաքացին չթույլատրվող հատվածով անցել էր փողոցը և վրաերթի ենթարկվել։ Մեքենայի վարորդը եղել էր Սիմոն Մարտիրոսյանը, որը զանգահարել է շտապօգնություն, օգնել բժիշկներին վրաերթի ենթարկվածին տեղափոխել հիվանդանոց, սակայն նա բուժհիմնարկի ճանապարհին մահացել էր:
