25.06.2026 | 09:33
ՀՀ տարածքում ավտոճանապարհներն անցանելի են
Գերմանիայի ԱԳ նախարար Անալենա Բերբոքն ուրբաթ օրը կժամանի Երևան
Քաղաքականություն
01.11.2023 | 17:44
Գերմանիայի արտաքին գործերի նախարար Անալենա Բերբոքը այս շաբաթ կայցելի Հայաստան և Ադրբեջան։ Այս մասին լրագրողներին հայտնել է Բեռլինում ԱԳՆ ներկայացուցիչը, գրում է ՏԱՍՍ-ը։
«Նախարարը Հայաստան և Ադրբեջան կմեկնի ուրբաթ առավոտյան, նախ կժամանի Երևան, որտեղ կհանդիպի իր գործընկեր Արարատ Միրզոյանի հետ»,- ասել է ԱԳՆ խոսնակը։ Բերբոքի ծրագրում ներառված է նաև այցելություն Լեռնային Ղարաբաղի փախստականների տեղավորման կենտրոն:
Նոյեմբերի 4-ին նա կայցելի Բաքու, որտեղ նախատեսված են բանակցություններ Ադրբեջանի ԱԳ նախարար Ջեյհուն Բայրամովի հետ, ինչպես նաև հանդիպում քաղհասարակության ներկայացուցիչների հետ։
«Գերմանիան հանդես է գալիս տարածաշրջանում կայուն խաղաղության, քաղաքական և տնտեսական դիվերսիֆիկացիայի օգտին», – ասել է Գերմանիայի ԱԳՆ ներկայացուցիչը:
