30.04.2026 | 15:51
Մայիսի 9-ի հրադադարի որոշումը կկայացնի Պուտինը. Կրեմլ
Ադրբեջանի ՊԱԾ ղեկավարը հայտարարել է, թե Բաքուն «երաշխիքներ» է տալիս հայաթափված Արցախում բնակվող հայերի համար
Քաղաքականություն
31.10.2023 | 16:06
Ադրբեջանի Պետական անվտանգության ծառայության ղեկավար Ալի Նագիևը Եվրոպայի խորհրդի գլխավոր քարտուղար Մարիա Պեյչինովիչ Բուրիչի հետ հանդիպմանը հայտարարել է, թե «Ադրբեջանը միշտ շահագրգռված է տարածաշրջանում կայուն խաղաղության վերականգնման հարցում», և որ ադրբեջանական կառավարությունը համապարփակ «երաշխիք է տալիս Ղարաբաղում բնակվող հայ քաղաքացիներին խաղաղ ու հանգիստ ապրելու համար»։
Ի դեպ, նա նաև պատմել է «իրավունքների և ազատությունների պաշտպանության ուղղությամբ Ադրբեջանի կողմից իրականացվող աշխատանքների մասին», որոնք, նրա պնդմամբ, «Ադրբեջանն անում է տարածաշրջանում բարգավաճման, հուսալի կայունության ապահովման, ինչպես նաև Հայաստանի հետ հարաբերությունների կարգավորման և խաղաղ պայմանագրի շուտափույթ ստորագրման կարևորության համար»։
Հիշեցնենք, որ հանդիպմանը ԵԽ գլխավոր քարտուղարը շեշտել է Հայաստանի և Ադրբեջանի միջև երկխոսության խթանման կարևորությունը, այդ թվում՝ վստահության ամրապնդման միջոցառումների միջոցով։ Մարիա Պեյչինովիչ Բուրիչը հիշեցրել է, որ յուրաքանչյուր ոք, որն ապրում է Եվրոպայի խորհրդի տարածքի երկրներում, իրավունք ունի լիարժեք օգտվելու մարդու իրավունքներից և ազատություններից, որոնք ամրագրված են Մարդու իրավունքների եվրոպական կոնվենցիայով։
Էմմա Չոբանյան
