18.02.2026 | 10:32
NYMEX․ Ոսկու գինը նվազել է 1.92%-ով և կազմել 4874.50 դոլար
ՀՀ-ի և Ադրբեջանի վարչապետերը Թբիլիսիում կմասնակցեն «Մետաքսի ճանապարհ» 4-րդ միջազգային համաժողովին
Քաղաքականություն
23.10.2023 | 14:03
Հայաստանի վարչապետ Նիկոլ Փաշինյանը կմասնակցի հոկտեմբերի 26-27-ը Թբիլիսիում նախանշված «Մետաքսի ճանապարհ» 4-րդ միջազգային համաժողովին։ Հավաքին կմասնակցի նաև Ադրբեջանի վարչապետ Ալի Ասադովը։
Միջոցառման պաշտոնական կայքում հրապարակված օրակարգից հետևում է, որ բացմանը նախատեսվում է Նիկոլ Փաշինյանի ելույթը։
Ելույթով հանդես կգա նաև Ադրբեջանի վարչապետը։
Նշենք, որ նախորդ համաժողովները Թբիլիսիում տեղի են ունեցել 2015, 2017 և 2019 թվականներին։
Վրաստանի էկոնոմիկայի և կայուն զարգացման փոխնախարար Գենադի Արվելաձեն ավելի վաղ հայտարարել էր, որ համաժողովի նպատակն է՝ ավելացել լոգիստիկ կապը, ինչպես նաև Միջին միջանցքի նախագծին ավելի շատ երկրներ ներգրավել։
Հայաստանի կառավարության աշխատակազմից Factor TV-ին փոխանցեցին, որ ՀՀ վարչապետի այցերի վերաբերյալ սահմանված ժամկետում պաշտոնական տեղեկատվություն կտրամադրեն։
