Հայաստանի ֆուտբոլի ազգային հավաքականը ընկերական խաղում հյուրընկալվել էր Հյուսիսային Մակեդոնիայի ընտրանուն:
Առաջին խաղակեսի վերջնամասում՝ 42-րդ րոպեին, Հյուսիսային Մակեդոնիան առաջ անցավ հաշվի մեջ․ դիպուկ հարվածով աչքի ընկավ Ալեքսանդր Տրայկովսկին: 58-րդ րոպեին Միլան Ռիստովսկին կրկնապատկեց հաշիվը։ Հանդիպման վերջնամասում տանտերերը խփեցին նաև երրորդ գնդակը։ Հայաստանի հավաքականի միակ գնդակը վերջնամասում խփեց Էդուարդ Սպերցյանը:
Եվրո 2024-ի ընտրական փուլի նախավերջին տուրում` նոյեմբերի 18-ին, Հայաստանի հավաքականը Երևանում կընդունի Ուելսին, իսկ նոյեմբերի 21-ին` արտագնա հանդիպում կանցկացնի Խորվաթիայի դեմ: Վերջին երկու տուրերից առաջ մրցաշարային աղյուսակի առաջատարը Թուրքիան է: Երկրորդ և երրորդ տեղերում 10-ական միավորով Ուելսը և Խորվաթիան են: 4-րդ տեղում Հայաստանն է 7 միավորով և վերջին տեղում 3 միավորով Լատվիան է:
