20.02.2026 | 19:38
Եկել է խաղաղության համաձայնագիրն առանց որևէ նախապայմանի ստորագրելու և վավերացնելու պահը. Սարգիս Խանդանյան
Իսրայելը հերքում է մարդասիրական հրադադարի պայմանավորվածության մասին լուրերը
Քաղաքականություն
16.10.2023 | 13:17
Իսրայելի վարչապետի գրասենյակը հերքել է տարածվող լուրերը, թե Գազայի և Եգիպտոսի միջև Ռաֆահ սահմանային անցակետի բացման վերաբերյալ որևէ պայմանավորվածություն կա, գրում է CNN-ը։
«Այս պահին Գազայի հատվածում չկա հրադադար, ոչ էլ մարդասիրական օգնություն՝ օտարերկրացիների դուրս գալու դիմաց»,- լրատվամիջոցին ասել են գրասենյակից։
ՀԱՄԱՍ-ը ևս հայտարարություն է տարածել՝ նշելով, որ Եգիպտոսից հաստատում չի ստացել Ռաֆահ սահմանային անցակետի հնարավոր բացման մասին։
Հավելենք, որ տեղեկություններ էին տարածվել, թե երկուշաբթի առավոտյան ժամը 9-ից Ռաֆահի սահմանային անցակետը բաց կլինի Գազայի հատվածում մնացած օտարերկրյա քաղաքացիների անցման համար։ Միաժամանակ, ըստ նույն տեղեկությունների, հակառակ ուղղությամբ պետք է մարդասիրական օգնություն անցներ անցակետով։
Նշենք, որ Գազայի հատվածի և Եգիպտոսի միջև Ռաֆահ սահմանային անցակետը բեռների մատակարարման միակ աղբյուրն է, սակայն վերջին շաբաթվա մեծ մասն այն փակ է եղել․ ո՛չ Գազայի բնակիչները, ո՛չ էլ օտարերկրյա քաղաքացիները չեն կարողացել հատել սահմանը:
Էմմա Չոբանյան
