15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Դուք երևի տեղեկացված չեք, Փանիկի միջոցառումները համաձայնեցված են եղել հայկական կողմի ներկայացուցիչների հետ. 102-րդ ռազմակայանի հրամանատար
Քաղաքականություն
23.07.2018 | 14:56
Փանիկ գյուղում ոչինչ տեղի չի ունեցել. Գյումրում տեղակայված 102-րդ ռազմաբազայի տարածքում անցկացված կլոր սեղան-քննարկման ժամանակ հայտարարել է 102-րդ ռազմակայանի հրամանատար, գնդապետ Վլադիմիր Ելկանովը:
«Զինվորական պատրաստականության պլանային միջոցառումներ են իրականացվել, որոնք համաձայնեցված են եղել հայկական կողմի ներկայացուցիչների հետ: Դուք երևի տեղեկացված չեք»,- դիմելով ներկաներին ասել է Ելկանովը:
Ի պատասխան հարցի, թե կրակոցներ են եղել, ասել է. «Կրակոց չի եղել, կրակոցի իմիտացիա է եղել»:
Ապա 102-րդ ռազմակայանի հրամանատարը շեշտել է, որ միջոցառման անցկացման մասին պաշտոնական մարմինները նախապես տեղեկացված են եղել. «Ցանկանում եմ, որ այս միջադեպին հատուկ շեշտադրում չարվի: Եվ հայ-ռուսական հարաբերությունները նման դեպքերը չպետք է խաթարեն»:
Հիշեցնենք` ռուսական 102-րդ ռազմաբազայի ստորաբաժանումները հուլիսի 18-ին ուսումնական վարժանք են իրականացրել Փանիկ գյուղում։ Գյուղացիները խուճապի են մատնվել, քանի որ բնակչների խոսքով, զորավարժանքի մասին տեղեկացված չեն եղել։
