30.04.2026 | 20:00
Ադրբեջանը ոչնչացնում, յուրացնում է հայկական հետքը․ սա թույլ չի տալիս լիարժեք հավատալ խաղաղությանը․ Դիաննա Կարապետյան. ՏԵՍԱՆՅՈՒԹ
Արցախ այցելած ՄԱԿ-ի ներկայացուցիչները Հայաստանում են
Քաղաքականություն
05.10.2023 | 10:43
Սեպտեմբերի 19-ի ադրբեջանական կողմի ռազմական հարձակումից և հայերի բռնի տեղահանումից հետո մեկ օրով Արցախ ժամանած ՄԱԿ-ի առաքելության ներկայացուցիչները Factor.am-ի տեղեկություններով այս պահին ՄԱԿ-ի հայաստանյան գրասենյակում են:
Նրանք Հայաաստանում են երկօրյա այցով: Առաքելության կազմում եղել են Թուրքիայի, ՌԴ-ի, Հունգարիայի, Պակիստանի և Ալբանիայի ներկայացուցիչներ։ Շրջայցից հետո նրանք հայտարարել են՝ «ցնցված են, թե ինչպես են տեղի բնակիչները հանկարծակի լքել իրենց տները», և շեշտել, թե «ո՛չ տեղի բնակչության շրջանում հարցվածներից, ո՛չ իրենց զրուցակիցներից որևէ հաղորդում չեն ստացել քաղաքացիական բնակչության նկատմամբ վերջին հրադադարից հետո բռնության դեպքերի վերաբերյալ»։
Թե ո՞ւմ հետ է զրուցել ու հարցում անցկացրել Բաքվից Ստեփանակերտ մեկնած ՄԱԿ-ի առաքելությունը, երբ ամբողջ Արցախը բռնի հայաթափվել է, անհայտ է։
Արփի Հակոբյան
