25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Երկու անգամ կրակ են արձակել տան ուղղությամբ․ Մաշտոցի ոստիկանների բացահայտումը
Հասարակություն
30.09.2023 | 15:02
Սեպտեմբերի 26-ին, ժամը 19.30-ին, ոստիկանության օպերատիվ կառավարման կենտրոն զանգահարած կինը հայտնել էր, որ երկու անգամ կրակել են Բաշինջաղյան փողոցում գտնվող իր տան ուղղությամբ։ Հարևաններն էլ լսել են կրակոցի ձայն ու նաև գտել պարկուճ:
Հաղորդումը փոխանցվել էր ոստիկանության Մաշտոցի բաժին, որտեղից էլ օպերատիվ խումբը մեկնել էր դեպքի վայր։ Իրավապահները պարզել էին, որ ժամը 18.50-ի սահմաններում, դեռևս չպարզված տեսակի ողորկափող հրացանի կրակոցի հետևանքով վնասվել էր բնակարանի ննջասենյակի պատուհանի ապակին: Դեպքի վայրի զննությամբ հայտնաբերվել էր մետաղյա իր:
Նախաձեռնվել էր քրեական վարույթ։
Մաշտոցի ոստիկանները համագործակցեցին Երևան քաղաքի վարչության հետախույզների հետ, և օպերատիվ տվյալներն իրացնելու արդյունքում պարզվեց կրակողի ինքնությունը։ Սեպտեմբերի 29-ին, ժամը 9.20-ին, Շինարարների փողոցի բնակիչ, 32-ամյա տղամարդն իր տանը ձերբակալվեց և տեղափոխվեց բաժին:
Ձեռնարկվում են միջոցառումներ հրազենը հայտնաբերելու ուղղությամբ:
Տղամարդը տեղափոխվել է ոստիկանության Երևան քաղաքի վարչության ձերբակալվածների պահման վայր:
Նախաքննությամբ հանգամանքները պարզվում են:
