30.04.2026 | 20:00
Ադրբեջանը ոչնչացնում, յուրացնում է հայկական հետքը․ սա թույլ չի տալիս լիարժեք հավատալ խաղաղությանը․ Դիաննա Կարապետյան. ՏԵՍԱՆՅՈՒԹ
«Գազպրոմ»-ը հայտնել է իր գոյության պատմության ընթացքում գազի արդյունահանման ռեկորդային անկման մասին
Քաղաքականություն
29.09.2023 | 23:09
Ռուսական «Գազպրոմ»-ը, որի արդյունահանման մեկ երրորդը, մինչ Ուկրաինայում պատերազմը, բաժին էր ընկնում Եվրոպային, բնական գազի արդյունահանման ռեկորդային անկում է ապրում իր գոյության ամբողջ պատմության ընթացքում, գրում է The Moscow Times-ը։
Առաջին կիսամյակի վերջում «Գազպրոմ»-ի արդյունահանումը կազմել է 179,45 միլիարդ խորանարդ մետր, հայտնել է ընկերությունը իր եռամսյակային զեկույցում։
2022 թվականի նույն ժամանակահատվածի համեմատ՝ արդյունահանման ծավալները նվազել են 25%-ով, իսկ նախապատերազմյան շրջանի համեմատ՝ գրեթե մեկ երրորդով. 2021 թվականի հունվար-հունիսին «Գազպրոմ»-ն արդյունահանել է 260,8 մլրդ խմ գազ։
Երեք տասնամյակի պատմության ընթացքում երբևէ աշխարհի խոշորագույն գազային ընկերությունն այսքան արագ չի կրճատել արդյունահանումը: Այսպես, 2009 թվականին համաշխարհային ֆինանսական ճգնաժամի ֆոնին «Գազպրոմ»-ը արտադրությունը կրճատել էր 16%-ով, իսկ ԽՍՀՄ-ի փլուզումից հետո՝ ընդամենը 12%-ով (1992-1998 թթ.):
