30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Ուկրաինան ԵՄ-ին լիիրավ անդամակցության հույս ունի
Քաղաքականություն
29.09.2023 | 23:20
Ուկրաինայի վարչապետ Դենիս Շմիգալը Politico-ին տված հարցազրույցում հայտարարել է, որ Կիևը Եվրամիությանը լիիրավ անդամակցության հույս ունի և չի դիտարկում արևմտյան որոշ երկրների առաջարկած այլընտրանքները, փոխանցում է DW-ի ռուսական ծառայությունը։
Politico-ի տվյալներով՝ խոսքը Ֆրանսիայի ու Գերմանիայի մասին է, որոնք առաջարկում են Ուկրաինայի աստիճանական ինտեգրում Եվրամիությանը։
Ուկրաինան ԵՄ անդամի թեկնածուի կարգավիճակ է ստացել 2022 թվականի հունիսին։ ԵՄ ընդլայնման հարցերով եվրահանձնակատար Օլիվեր Վարհեիին էլ 2023 թվականի հունիսին ասել է, որ Ուկրաինան մինչ այժմ կատարել է անդամակցության համար յոթ պայմաններից երկուսը՝ բարեփոխել է Արդարադատության բարձրագույն խորհուրդը և դատավորների բարձր որակավորման հանձնաժողովը, ինչպես նաև ընդունել է օրենք լրատվամիջոցների մասին։
Դենիս Շմիգալն էլ հայտարարել է, որ իր կարծիքով՝ Ուկրաինան կարող է ԵՄ-ին անդամակցել առաջիկա երկու տարիներին։
Էմմա Չոբանյան
