25.02.2026 | 21:59
Հարություն Պապյանը որոնվում է որպես անհետ կորած
Չեխիան մտադիր է ՌԴ-ն ճանաչել որպես երկրի համար ամենալուրջ սպառնալիք
Քաղաքականություն
29.09.2023 | 22:03
Պաշտպանական նոր ռազմավարության մեջ Չեխիան մտադիր է ճանաչել Ռուսաստանի Դաշնությունը որպես «երկրի համար ամենալուրջ սպառնալիք», ինչը իշխանություններին հնարավորություն կտա ուժեղացնել պաշտպանական ոլորտը։ Այս մասին հայտնել է Seznam Správy-ն, փոխանցում է Korrespondent-ը։
«Չեխիայի կամ ՆԱՏՕ-ի և ԵՄ երկրներից մեկի վրա ռազմական հարձակման հավանականությունն ամենաբարձրն է Սառը պատերազմի ավարտից հետո: Ռուսաստանը երկարաժամկետ հեռանկարում լուրջ վտանգ կներկայացնի Չեխիայի և նրա դաշնակիցների անվտանգությանը»,- ասված է Չեխիայի Պաշտպանության նախարարության փաստաթղթում:
Ռազմավարության համաձայն՝ Ուկրաինայի պատերազմը հաստատեց ՆԱՏՕ-ին Չեխիայի անդամակցության անհրաժեշտությունը։ Դաշինքը պետք է հետ պահի թշնամուն հարձակվելուց և պաշտպանվի հնարավոր ագրեսիայից։
«Կապված Ռուսաստանի աճող ագրեսիվության հետ՝ Չեխիայի պաշտպանական քաղաքականության հիմնական խնդիրը միջուկային զենքով հագեցած, տեխնիկապես զարգացած թշնամու հետ երկարաժամկետ, բարձր ինտենսիվության պաշտպանական պատերազմի համապարփակ նախապատրաստումն է»,- ասվում է փաստաթղթում։
