30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Վագներականները վերադառնում են Բախմուտ․ բրիտանական հետախուզություն
Քաղաքականություն
29.09.2023 | 17:53
Վերջին շաբաթների ընթացքում «Վագներ» մասնավոր ռազմական խմբավորման հետ կապված շուրջ հարյուր մարտիկներ սկսել են վերաբաշխվել Ուկրաինայում։ Նրանք տեղակայվում են փոքր խմբերով տարբեր ստորաբաժանումների հետ կռվելու համար: Այս մասին սեպտեմբերի 29-ին հայտնել է Մեծ Բրիտանիայի Պաշտպանության նախարարությունը։
Նշվում է, որ «Վագների» խումբը դուրս է եկել Ուկրաինայի տարածքից 2023 թվականի հունիսի սկզբին՝ մինչ հունիսի 24-ի ձախողված ապստամբությունն ու դրան հաջորդած «Վագների» հիմնադիր Եվգենի Պրիգոժինի մահը։
«Վերաբաշխվածների ստույգ կարգավիճակն անհայտ է, բայց հավանական է, որ նրանք տեղափոխվել են ՌԴ ՊՆ պաշտոնական ուժերի ստորաբաժանումներ և այլ մասնավոր ռազմական խմբավորումներ: Մի քանի զեկույցներ վկայում են Բախմուտի շուրջ «Վագների» վետերանների կենտրոնացման մասին»,- կարծում է բրիտանական հետախուզությունը:
Զինվորականները հավելել են, որ վարձկանների փորձը, հավանաբար, հատկապես անհրաժեշտ կլինի այս հատվածում, քանի որ նրանցից շատերը ծանոթ են ներկայիս ճակատային գծին և ուկրաինական մարտավարությանը:
