30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
Մոսկվան չի միջամտում երրորդ երկրների հետ Աստանայի հարաբերություններին. ՌԴ ԱԳՆ-ն՝ հակառուսական պատժամիջոցներին հետևելու՝ Տոկաևի հայտարարության մասին
Քաղաքականություն
29.09.2023 | 16:14
Ռուսաստանն ակնկալում է Ղազախստանի հետ հետագա արդյունավետ աշխատանք՝ առանց արտաքին բացասական ազդեցության։ Այս մասին ՏԱՍՍ-ին հայտնել են ՌԴ ԱԳՆ-ում՝ մեկնաբանելով Ղազախստանի նախագահ Կասիմ-Ժոմարտ Տոկաևի հայտարարությունները, որ Աստանան հետևելու է Ռուսաստանի դեմ արևմտյան երկրների պատժամիջոցների ռեժիմին։
«Հուսով ենք, որ մենք կշարունակենք արդյունավետ աշխատել մեր ղազախ գործընկերների հետ՝ կանխելու բացասական արտաքին ազդեցությունները մեր բարիդրացիական հարաբերությունների վրա, ներառյալ՝ առևտրատնտեսական համագործակցությունը, որը շատ լայնածավալ է և մեծ օգուտներ է բերում երկու երկրներին ու լիովին համապատասխանում է ժողովուրդների շահերին»,- ասել են ՌԴ ԱԳՆ-ից։
Գերատեսչությունից նաև նշել են, որ Մոսկվան չի միջամտում Ղազախստանի ու երրորդ երկրների միջև հարաբերություններին։
«Միևնույն ժամանակ, մենք ելնում ենք նրանից, որ Մոսկվայի և Աստանայի միջև կան մի ամբողջ շարք համաձայնագրեր, որոնք սահմանում են մեր հարաբերությունները որպես ռազմավարական գործընկերություն և դաշինք։ Երկկողմ հարաբերությունների նման բնույթը ներառում է կառուցողական փոխգործակցություն քաղաքականության և անվտանգության ոլորտներում, առևտրում, ներդրումներում և այլն»,- հայտարարել են ՌԴ ԱԳՆ-ից։
Էմմա Չոբանյան
