23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Ալեքսեյ Նավալնիին մեկ տարով տեղափոխում են անհատական բանտախուց
Քաղաքականություն
28.09.2023 | 18:43
Ռուս ընդդիմադիր գործիչ Ալեքսեյ Նավալնին, որն իր պատիժն էր կրում խիստ ռեժիմի գաղութում, հայտնել է, որ իրեն տեղափոխում են անհատական բանտախուց։ Նրա փաստաբանը BBC-ի ռուսական ծառայությանն ասել է, որ պատճառը աշխատանքի գնալուց հրաժարվելն է, թեև, ինչպես շեշտում է պաշտպանական կողմը, մինչ «ծայրահեղականության» գործով բողոքարկումը Նավալնին կարող էր աշխատել իր կամքով։
Չորեքշաբթի երեկոյան Նավալնիի Telegram-ի ալիքում հաղորդագրություն է հայտնվել, որում ասվում է, որ ընդդիմադիր գործիչը շարունակում է իր հաշվին կուտակել «ավելի կոշտ բանտային ռեժիմների հավաքածուներ» Վլադիմիրի շրջանի թիվ 6 գաղութում:
«Ես արդեն ունեցել եմ պատժի կրման խիստ պայմաններ, պատժախուց, բանտախուց։ Իսկ երեկ՝ գործով բողոքարկումից անմիջապես հետո, ինձ տարան հանձնաժողով և հայտարարեցին, որ իմ անուղղելիության պատճառով 12 ամսով կտեղափոխվեմ անհատական բանտախուց»,- ասել է Նավալնին։
Նա սա անվանել է ամենախիստ պատիժը, որը հնարավոր է բոլոր տեսակի գաղութներում:
«Ես ինձ զգում եմ հոգնած ռոք աստղ, որը գտնվում է դեպրեսիայի եզրին: Ես հասել եմ հիթ-շքերթի գագաթնակետին, և այլևս ձգտելու բան չկա»,- դառնությամբ կատակել է ընդդիմադիրը։
