02.11.2024 | 16:34
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Գերմանիայի ԱԳ նախարարը կոչ է արել դիտորդներ ուղարկել ԼՂ
Քաղաքականություն
27.09.2023 | 13:17
Գերմանիայի արտաքին գործերի նախարար Անալենա Բերբոքը Լեռնային Ղարաբաղում բնակչության նկատմամբ ադրբեջանական ռազմական ագրեսիայից մի քանի օր անց կոչ է արել միջազգային դիտորդներ ուղարկել տարածաշրջան, գրում է DW-ի ռուսական ծառայությունը։
«Ոչ ոք իսկապես չգիտի, թե իրականում ինչ պայմաններ են մարդկանց համար այնտեղ և ինչպես են նրանք գոյատևում»,- ասել է Բերբոքը:
«Այժմ անհրաժեշտ է թափանցիկություն, միջազգային հանրության աչքերն ու ականջները պետք է լինեն այդ վայրերում: Մեր գործընկերների հետ միասին բոլոր ջանքերը կգործադրենք, որպեսզի հնարավորինս շուտ դիտորդներ ուղարկենք Լեռնային Ղարաբաղ»,- ասել է Գերմանիայի ԱԳՆ ղեկավարը։
Նա Բաքվին կոչ է արել համաձայնել Ղարաբաղում դիտորդների ներկայությանը։
«Եթե Ադրբեջանը դիտորդներին թույլ տա ներս մտնել, դա վստահության նշան կլինի, և որ նա լրջորեն է վերաբերվում տարածաշրջանի մարդկանց անվտանգությունն ու բարեկեցությունն ապահովելու իր խոստումներին»,- հավելել է նա։
Աննալենա Բերբոքը խոստացել է նաև զգալիորեն մեծացնել Լեռնային Ղարաբաղի բնակիչներին հումանիտար օգնության ծավալները։
«Նույնիսկ Լաչինի միջանցքի երկայնքով առաջին մատակարարումներից հետո Ղարաբաղի բնակիչները, ամիսներ շարունակ շրջափակումից հետո, դեռևս չունեն այն ամենը, ինչ անհրաժեշտ է արժանապատիվ կյանքի համար՝ սնունդ, դեղորայք և սանիտարական ապրանքներ»,- նշել է Գերմանիայի ԱԳՆ ղեկավարը։
