23.06.2026 | 23:09
ԱԱ-2026. Ռոնալդուի դուբլը նպաստեց Պորտուգալիայի վստահ հաղթանակին. ՏԵՍԱՆՅՈՒԹ
Դավիթ Սարգսյանն ու Ցոլակ Ակոպյանը ձերբակալումից ազատ են արձակվում
Հասարակություն
26.09.2023 | 15:10
Նախօրեին տեղեկացվել էր, որ ՀՀ քրեական օրենսգրքի 297-րդ հոդվածի 2-րդ մասի 1-ին կետի հատկանիշներով նախաձեռնված քրեական վարույթի շրջանակներում ԵՊՀ-ում առերևույթ խուլիգանություն կատարելու կասկածանքով ձերբակալվել են Երևան քաղաքի 38-ամյա բնակիչ Ց․Ա․-ն և 32-ամյա բնակիչ Դ․Ս․-ն․ ֆեյսբուքիիր էջում գրել է ՀՀ ՔԿ խոսնակ Գոռ Աբրահամյանը։
«Վարույթն իրականացնող մարմնի որոշմամբ նրանք ազատ են արձակվում ձերբակալումից՝ դրա անհրաժեշտությունը վերանալու հիմքով։
Քրեական վարույթով նախաքննությունը շարունակվում է։
Հ․Գ․ Զուտ հնարավոր հարցերը կանխելու համար նշեմ, որ այս պահի դրությամբ նրանց նկատմամբ քրեական հետապնդում հարուցված չէ»,- գրել է Աբրահամյանը։
Նշենք, որ Սարգսյանն ու Ակոպյանը գործով վկայի կարգավիճակ ունեն։
Ավելի վաղ Factor.am-ը տեղեկացրել էր, որ ԵՊՀ նախկին դասախոս Դավիթ Սարգսյանն ու Երևանի պետական լեզվաբանական համալսարանի նախկին պրոռեկտոր Ցոլակ Ակոպյանը ձերբակալվել են 72-ժամյա ռեժիմով, այսինքն` հանցանք կատարելու մեջ անմիջականորեն ծագած կասկածի հիման վրա: Դավիթ Սարգսյանին բերման են ենթարկել վարչական իրավախախտում կատարելու համար, և այդ մասին զեկուցագիր է կազմվել, սակայն հետագայում զեկուցագրի բովանդակությունը փոխվել է և կազմվել ձերբակալման զեկուցագիր:
