24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Օդեսայի մարզը զանգվածային հարձակման է ենթարկվել
Քաղաքականություն
25.09.2023 | 11:48
Երկուշաբթի գիշերը Օդեսայի շրջանը հարձակման է ենթարկվել 19 հարվածային անօդաչու թռչող սարքերի և երկու գերձայնային «Օնիքս» հրթիռների կողմից, հայտնում են ուկրաինական լրատվամիջոցները։ BBC-ի ռուսական ծառայությունն էլ հայտնում է 12 «Կալիբր» հրթիռների արձակման մասին։
Հարվածի տակ են հայտնվել նավահանգստի ենթակառուցվածքները։ Հարավային պաշտպանական ուժերը հայտնել են, որ «Օնիքսները» ոչնչացրել են հացահատիկի պահեստարանները՝ հրապարակելով լուսանկարներ, որոնցում երևում են հարվածի հետևանքները:
Օդեսայի ծովային տերմինալը զգալի վնաս է կրել։ Արդեն մի քանի տարի չգործող հյուրանոցի շենքում հրդեհ է բռնկվել, որը մարվել է։
Տարածաշրջանային ռազմական վարչակազմի ղեկավար Օլեգ Կիպերի խոսքով՝ Օդեսայի մարզում մասամբ ավերվել են նաև պահեստ ու առանձնատուն։ Պայթյունի հետևանքով բեկորներից մի կին է վիրավորվել:
ՌԴ-ն չի մեկնաբանել Օդեսայի վրա հարձակումները։
