23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Երևանի փողոցներից ժամը 10։00-ի դրությամբ բերման է ենթարկվել 142 քաղաքացի. ԼՈՒՍԱՆԿԱՐՆԵՐ
Քաղաքականություն
25.09.2023 | 10:24
Երևանի տարբեր փողոցներում վաղ առավոտից մեկնարկած անհնազանդության ակցիաների ընթացքում ժամը 09:00-ի դրությամբ ոստիկանական բաժիններ է բերման ենթարկվել 142 քաղաքացի։ Այս մասին Factor.am-ի հետ զրույցում հայտնեցին Ոստիկանության լրատվական ծառայությունից։
Քաղաքացիները բերման են ենթարկվել ՀՀ Վարչական իրավախախտումների վերաբերյալ օրենսգրքի 182-րդ հոդվածի հիմքով (ոստիկանության ծառայողների օրինական պահանջը չկատարելը):
«Ազգային կոմիտեն» իր ֆեյսբուքյան էջում տեղեկացնում է, որ բերման ենթարկված քաղաքացիների թվում է նաև «Հայաստան» խմբակցության պատգամավոր, ՀՅԴ անդամ Թադևոս Ավետիսյանը
Երեկ տեղի ունեցած ընդդիմության հանրահավաքի ժամանակ ԱԺ «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանը ներկայացրել էր այսօրվա ակցիաների «ճանապարհային քարտեզը»։
Մասնավորապես, առավոտյան ժամը 08։00-ից անհնազանդության ակցիաներ Աջափնյակում՝ Մարզահամերգային համալիրի դիմացից, Շենգավիթում՝ Գարեգին Նժդեհի հրապարակի դիմացից, Էրեբունիում՝ Սասունցի Դավիթ արձանի դիմացից, Արաբկիրում՝ Կոմիտաս 38՝ Սուրբ Խաչ եկեղեցու մոտից և Կասյան 2, Քանաքեռ-Զեյթունում՝ «Երևան սիթի» սուպերմարկետի դիմացից։
Ռոզա Վարդանյան
