20.06.2026 | 10:12
1-ամյա երեխայի մահվան գործով նախաքննությունն ավարտվել է. խորթ մայրը կալանավորված է
Ուկրաինայի ԶՈւ-ն կազատագրի Բախմուտը և ևս երկու քաղաք․ Զելենսկի
Քաղաքականություն
22.09.2023 | 12:11
Ուկրաինայի նախագահ Վլադիմիր Զելենսկին Վաշինգտոնում լրագրողների հետ հանդիպման ժամանակ ասել է, որ Պաշտպանության ուժերը պատրաստվում են ազատագրել Բախմուտը և երկու այլ քաղաքներ, հայտնում է CNN-ը։ «Մենք կազատագրենք Բախմուտը, կարծում եմ, որ ևս երկու քաղաք կազատագրենք»,- ասել է Ուկրաինայի նախագահը։
Զելենսկին հրաժարվել է նշել այն քաղաքների անունները, որոնք Ուկրաինայի զինված ուժերը մտադիր են ազատագրել։ «Չեմ ասի, թե որ քաղաքները, կներեք, և դրա համար մենք ունենք ծրագիր, շատ, շատ համապարփակ ծրագիր»,- հայտարարել է Ուկրաինայի նախագահը։
Զելենսկին հավելել է, որ Ուկրաինան չի դադարեցնի հակահարձակումը, թեև, նրա կարծիքով, Ռուսաստանի նախագահ Վլադիմիր Պուտինը հույս ուներ, որ ուժերը վերականգնելու համար պայքարը կթուլանա։
«Ես գիտեմ, թե ինչ է ուզում Պուտինը, ես գիտեմ, որ նրան դադար է պետք, քանի որ նա իսկապես կորցրել է մարդկանց, պրոֆեսիոնալ բանակը», – ասել է նա։
