30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Դավիթ Մելքումյանը հայտարարել է, որ Բաքվի հետ վերջնական պայմանավորվածություն չկա
Քաղաքականություն
21.09.2023 | 14:49
Արցախի հայերի ներկայացուցիչ Դավիթ Մելքումյանը Եվլախում ադրբեջանական կողմի հետ հանդիպման արդյունքներով Reuters-ին ասել է, որ Բաքվի հետ վերջնական պայմանավորվածություն չկա, մանրամասները պետք է համաձայնեցվեն։
Մելքումյանը նշել է, որ Արցախի հայ բնակչությունը համաձայնել է Բաքվի հետ զինադադարին, սակայն պայմանները դեռ պետք է մշակվեն։
«Մենք ունենք ռազմական գործողությունները դադարեցնելու պայմանավորվածություն, բայց սպասում ենք վերջնական համաձայնության, բանակցությունները շարունակվում են»,- նշել է Դավիթ Մելքումյանը։
Միաժամանակ, Ալիևի ներկայացուցիչը հայտարարել է, որ արցախահայության և Ադրբեջանի միջև բանակցությունները կարող են հանգեցնել խաղաղության պայմանագրի կնքմանը, որը վերջ կդնի հակամարտությանը։
Ըստ տեղեկությունների՝ Արցախի պատվիրակությունը հեռացել է Եվլախից։
