26.11.2024 | 21:30
ՔՊ-ն Արգիշտի Մեխակյանին կառաջադրի Արմավիրի մարզպետի թեկնածու
Չարաշահումներ եղել են, իրավապահները զբաղվում են. Աշոտ Հակոբյանը՝ հյուսիս-հարավի մասին. ՏԵՍԱՆՅՈՒԹ
Տնտեսություն
18.07.2018 | 16:32
Տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն այսօր Հյուսիս-հարավ ճանապարհի Թալինի հատվածում հանդիպում ունեցավ լրագրողների հետ և պատասխան ճանապարհի շինարարությանն առնչվող հարցերին: Լրագրողների հետ հարցուպատասխանը՝ ստորև.
-Պարոն նախարար, Դուք նշում եք, որ կարևորում եք հանրության աջակցությունն ու հասարակական վերահսկողությունը, հանրությանն ամենից շատ հետաքրքրող հարցերից մեկը կոռուպցիան է, Դուք բացառո՞ւմ եք, որ չարաշահումներ են եղել, եթե ոչ, ապա ինչո՞ւ չեք դիմում իրավապահներին, որպեսզի համապատասխան գործողություններ իրականացվեն:
-Ես նախկինում քննիչ եմ եղել, քննչական աշխատանքում եմ եղել քսան տարի, լավ պատկերացնում եմ ապացուցողական բազան: Ես չասեցի, որ չարաշահումներ չեն եղել, և դա չեմ հերքում, պարզապես ասում եմ՝ չեմ կարող խոսել այդ մասին և անդրադառնալ դրան: Այսօր կա հարուցված քրեական գործ և դրանով զբաղվում են պատկան մարմինները: Ես չեմ կարող իմ գործը թողնել և քննություն անել, ընդամենը պատրաստակամ եմ ամենաբարձր մակարդակով աջակցել իրավապահներին:
-Ինչո՞ւ շինարարության համար չկա ֆինանսավորում, գուցե ներդրողները մտավախություններ ունե՞ն գումարների ծախսման արդյունավետության հետ կապված:
-Ծրագիրը բազմատրանշ է, էն տրանշները, որոնք ֆինանսավորվել են, մենք այդ մասով խնդիրներ չունենք: Վարկային համաձայնագրի շուրջ 540 միլիոնից ընդամենը 240 միլիոն է ծախսվել, այսինքն՝ գումար ունենք: Առանձին տրանշների մասով ֆինանսավորում չունենք, որոնք այս նոր պայմաններում պետք է գույքագրվի և ֆինանսական միջոցներ ներգրավվենք:
Մանրամասները՝ տեսանյութում:
